ДОДАНИ НАФАҚА БА ТАЪХИР МЕАФТАД

               Душанбе, 4 май.(АМИТ «Ховар», Лаззат Диловарзод).- Бо сабаби сари вақт напардохтани андози суғуртаи иҷтимоии нафақа ба суратҳисоби Агентии давлатии суғуртаи иҷтимоӣ, додани нафақапулӣ дар тамоми чумҳурӣ қафо мемонад,- иброз дошт сармутахассиси шӯъбаи сиёсати нафақаи Вазорати меҳнат ва ҳифзи иҷтимоӣ Рустам Ҷамолов.              Бисёр корхонаҳои истеҳсолии ҷумҳурӣ ба мушкилоти молиявӣ гирифторанд ва ин хоҳу нохоҳ ба гузаронидани саривақтии маблағи суғуртаи иҷтимоӣ таъсири худро мерасонад.              Дар вилояти Суғд моҳи марти соли ҷорӣ корхонаю муассисаҳо, идораю ташкилотҳои андозсупор аз фонди нафақаи ҷумҳурӣ 8 млн. сомонӣ қарздоранд.              Дар вилоят як қисми корхонаҳо кор намекунанд, қисми дигари онҳо молашонро фурӯхта наметавонанд, ки ин боиси саривақт напардохтани андози суғуртаи иҷтимоӣ гардидааст.