МӮҲТАВОИ ПАЁМРО МЕФАҲМОНАНД

                      Бадахшон, 8 май. (АМИТ «Ховар», Лутфишо Додо).- Гурӯҳи кории Шӯрои Олӣ таҳти сарпарастии вакили мардумӣ Акрамшоҳ Феълалиев ба хотири тарғибу ташвиқи Паёми Президенти кишвар ба Маҷлиси Олии Ҷумҳурӣ вориди Бадахшон гардид. Тавре Акрамшоҳ Феълалиев иброз дошт, гурӯҳи корӣ аҳолии вилоятро ба мазмуну моҳият ва ҳадафи Паёми Сарвари давлат шинос карда, фикру андешаҳои эшонро оиди ҳаллу фасли масоили гуногуни ҳаёти кӯҳистониён пурсон мешавад. Ба гуфти Акрамшоҳ Фелалиев, дар шаҳри Хоруғу навоҳии Шуғнону Роштқалъа аллакай чанд вохӯриро гузарониданд ва мардум Паёми Президенти мамлакатро дар рушди иқтисодиёту иҷтимоиёт, илму фарҳанг чун як барномаи комили стратегӣ, арзёбӣ карда, изҳор намудаанд, ки дар ҳалли масоиле, ки Сардори давлат, дар Паёмаш ба миён гузоштааст саҳмгузор хоҳанд буд.                    Азбаски ВМКБ вилояти аграрист, Пешниҳоди Президент дар бобати истифодаи оқилонаи ҳар қитъа замин кӯҳдоманҳоро ҳамвор карда, коштани ғаллаю картошка, ташкили корхонаҳои хурди коркарди маҳсулоти кишоварзӣ аз тарафи мардум ҷонибдорӣ меёбад.