РАМЗИ ИСТИҚЛОЛИЯТ БА ҶАШНИ 20-СОЛАГИИ ОН

                Душанбе, 4 май.(АМИТ «Ховар», Лаззат Диловарзод).- Вазорати фарҳанги ҷумҳурии Тоҷикистон озмуни рамзи беҳтаринро ба муносибати 20- солагии ҷашни истиқлолияти ҷумҳурӣ эълон намудааст. Дар рамз бояд сарвати бузурги халқи тоҷик ва музаффариятҳои дар давраи истиқлол ба дастомада инъикос шуда бошад,- иброз доштанд дар вазорати мазкур.              Бино ба гуфти ҳамин манбаъ, рамз дар шакли истифодаи муносиб ҳангоми тайёр кардани плакат, овезаҳою намолавҳа (табло) пешниҳод гардонида мешавад.                 Рамз бо ранги акварелӣ дар варақи андозааш А4 кашида, пешниҳод мегардад.              Мӯҳлати қабули ангора на дертар аз 1-уми июл буда , ғолиб соҳиби 2,5 ҳазор сомонӣ хоҳад шуд.