БУНЬЁДИ ИНШООТҲОИ НАВ

              Душанбе, 24 июн. (АМИТ «Ховар», Мавзуна Бойева)- Аз Агентии сохтмон ва меъмории назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки лоиҳаи варзишгоҳ барои 5000 ҷойи нишаст дар ноҳияи Ванҷ ва лоиҳаи навсозии варзишгоҳ дар ноҳияи Роштқалъа тартиб дода ба маъмурияти сохтмони иншоотҳои ҳукуматӣ супорида шуд.              Инчунин лоиҳаи навсозии бинои сохтмонаш нотамоми собиқ Кумитаи ҳизби коммунистии ноҳияи Ишкошим, ва лоиҳаи сохтмони қароргоҳи Президенти Ҷумхурии Тоҷикистон дар ҳудуди Боғи ботаникии шаҳри Хоруғ, тартиб дода ба фармоишгар — Бонки миллии ҶТ супорида шуд. Айни ҳол дар ин ҷо корҳои сохтмонӣ идома доранд, ва сохтмони ошёнаи якуми бинои мазкур дар арафаи анҷомёбист.               Барои тартиб додани лоиҳаи мактаб-интернати ҷумҳуриявӣ барои 650 нафар дар ноҳияи Рӯшон корҳои аксбардории маҳал ва геологияи замини иншоот таҳия шуда барои мувофиқа ба фармоишгари иншоот — маъмурияти сохтмони иншооти ҳукуматӣ пешниҳод карда шуд.