ДАСТУРИ МЕТОДИИ ЗАМОНАВӢ ТАҲИЯ ШУД

                        Душанбе, 24 июн. (АМИТ «Ховар», Анварбек Сиддиқов).- Дастури методии устодони Донишгоҳи миллии Тоҷикистон Равшанбек Ашурбеков ва Некубахт Ёралиева ба забони англисӣ барои шунавандагони шӯъбаҳои омодагӣ ва довталабон бахшида ба 1310- солагии Абу-Ҳанифа Имоми Аъзам ва ризоияти миллӣ ба тозагӣ аз тарафи матбааи «Эр-граф» ба чоп расид. Ин дастур дар раванди таълими усулу методҳои замонавӣ таҳия шудааст ва шунавандагонро барои супоридани санҷишҳои намуди тестӣ омода месозад.       Хусусияти барҷастаи дастури мазкур аз он иборат аст, ки дар он маводи грамматикӣ дар шакли формулаҳо дода шудааст ва инчунин ҷавоби саволҳо таҳия гардидааст, ки донишомӯзон метавонанд аз он истифода бурда донишу маҳорати худро аз забони англисӣ санҷида гирад. Муаллифон таҷрибаи байналмилалии таҳия намудани тестҳо, ба мисли ТОЕФЛ ва дигаронро омӯхта, нахустин маротиба дастуреро таҳия кардаанд, ки бо меъёрҳои байналмилалӣ ҷавобгӯ мебошанд.