МАҚОМОТИ ДУШАНБЕ БОЗ 7 МАКТАБ МЕСОЗАД

                    Душанбе, 18 июн.(АМИТ «Ховар», Лаззат Диловарзод).- Дар давоми 6 соли охир дар пойтахти ҷумҳурӣ шаҳри Душанбе барои 13 ҳазору 500 нафар хонанда синфхонаҳои нав кушода шудааст,- иброз доштанд дар раёсати маорифи шаҳри Душанбе.                     Ҳамзамон ба муносибати 20 — солагии истиқлолияти ҷумҳурӣ ва 900 рӯзи ободонии шаҳр нақшахои сохтмонӣ давом доранд.                    Дар назар аст, ки дар арафаи ин санаҳои муҳим 7 мактаби нав барои 1154 нафар хонанда сохта ба истифода дода шавад.                      Ҳоло аз рӯи ин нақшаи сохтмонӣ, сохтмони як мактаб дар ноҳияи Сино, ду мактаб дар ноҳияи И. Сомонӣ ва дутогӣ дар ноҳияҳои Фирдавсӣ ва Шоҳмансур идома дорад.Сохтмони ҳамаи ин иншоотҳо аз ҳисоби буҷаи шаҳр маблағгузорӣ карда мешаванд.