МАҶЛИСИ ШЎРОИ РОҲБАРОНИ ҶУЗЪУ ТОМҲОИ МАРЗБОН

                 Душанбе, 8 июн. (АМИТ «Ховар», Наталя Михайлова).-Дар шаҳри Южно-Сахалинск маҷлиси 61-уми Шӯрои фармондеҳони ҷузъу томҳои марзбони давлатҳои ИДМ баргузор гардид. Маҷлис таҳти раёсати фармондеҳи Хадамоти марзбони Русия Владимир Проничев гузашт. Дар маҷлис қариб 100 нафар, аз ҷумла ҳайати Тоҷикистон таҳти роҳбарии фармондеҳи артиши марзбони мамлакат Шералӣ Мирзо иштирок намуд.                  Инчунин дар маҷлис намояндагони Туркманистон, Ўзбекистон, Қирғизистон, Озарбойҷон, Арманистон, Қазоқистон, Белорусия, Молдавия ва Украина ширкат варзиданд.Иштирокчиёни маҷлис 25 масъаларо баррасӣ намуда, аз рӯи онҳо 28 қарор қабул карданд.                  Раиси шӯъбаи ҳамоҳангсози шӯрои мазкур Александр Манилов баъди анҷоми маҷлис зимни сӯҳбат бо хабарнигорон зикр кард, ки дар сарҳадҳои дохилии мамлакатҳои ИДМ минтақаҳои назоратию пайшиносӣ бунёд карда нахоҳад шуд. Танҳо муҳофизати сарҳади Гурҷистон, Иристон ва Обхозистон пурзӯр карда мешавад. Дар ин ҷо ҷузъу томҳои марзбони Русия ба кор шурӯъ намуданд.