НОРОҲАТИИ ИСТИРОҲАТКУНАНДАГОН

                  Душанбе, 24 июн. (АМИТ «Ховар», Лаззат Диловарзод).- Аз мавсими истироҳати тобистона дар курорту санаторияҳо 24 рӯз сипарӣ гардид.                 Бино ба иттилои Раёсати курортҳои ҷумҳурӣ, қиммати роҳхатҳо дар ҳамаи истироҳатгоҳҳои ҷумҳурӣ ғайр аз курорти Хоҷа — Обигарм ба андозаи 100 сомонӣ боло рафтааст.                  Акнун қиммати як роҳхат барои 12 рӯзи дамгирӣ дар курорти Шоҳамбарӣ 720 сомонӣ арзиш дорад. Аз овардани рақами арзиши роҳхатҳо дар дигар курортҳои ватанӣ барои хира нашудани табъи истироҳаткунандагон дар дастрасии роҳхатҳо худдорӣ мекунем.                  Ба ҳамаи ин нигоҳ накарда, талаботи кормандони корхонаю идораҳо барои ба курортҳо рафтан зиёд аст.                  Ногуфа намонад, ки як қисми истироҳаткунандагон шахсони имтиёзноканд ва аз се як қисми маблағро пардохт мекунанд.