СЕЮМИН ГРАНТИ БАРНОМАВИИ ТОҶИКИСТОН

                  Душанбе, 25 июн. (АМИТ «Ховар», Лаззат Диловарзод).- Бино ба иттилои Вазорати молияи ҷумҳурӣ, Тоҷикистон Барномаи сеюми грантии Бонки умумиҷаҳониро барои дастгирии буҷет ба маблағи 20,5 млн. доллар ба даст овард.                   Маблағи бадастомада барои пардохти қарзҳои хориҷӣ ва соҳаи иҷтимоӣ истифода мегардад.                  Созишнома миёни Ҳукумати Ҷумҳурии Тоҷикистон ва Бонки умумичаҳонӣ дар бораи маблағгузории Барномаи сеюми грантӣ ҳанӯз моҳи апрели соли ҷорӣ ба имзо расонида шуда буд.                   Маблағи ибтидоии ин барнома 10 млн. доллар пешбинӣ шуда буд. Бо назардошти бӯҳрони молиявӣ дар натиҷаи гуфтушунид ин маблағ ба 20,5 млн. расонида шуд.