ВОХӮРИИ СУДМАНД

                   Душанбе, 18 июн. (АМИТ «Ховар», Лутфулло Додоев). — Дар робита ба чорабиниҳои бахшида ба Рӯзи Ваҳдат бо ибтикории Кумитаи кор бо занон ва оилаи мақомоти маҳалии Ҳокимияти давлатии шаҳри Хоруғ дар маҳаллаи Шарифобод ҷамъомади хотирмон бо иштироки модарону ҷавондухтарони маҳаллӣ баргузор гардид.  Раиси Кумитаи кор бо занони шаҳр Ҷаҳонсултон Гулдасташоева бо аҳли ҷамъомад аз хусуси аҳамияти таърихии ҷашни Ваҳдат, аз даст надодани ҳушёрии сиёсӣ, муттаҳид шудан дар атрофии Сарвари давлат сухан ронда, занону ҷавондухтарони маҳаллаи Шарифободро бо корҳои созандагию бунёдкорӣ, иштироки фаъолонаи онҳо дар чорабиниҳои гуногуни шаҳриву вилоятӣ, дар рӯҳияи ватандорӣ ва ахлоқи ҳамида камол додани фарзандонашон, риояи фазилатҳои неки инсонӣ, дар сатҳи баланди омодагӣ истиқбол кардани ҷашни таърихии кишвар-Рӯзи ба имзо расидани Созишномаи истиқрори сулҳ ва ризоияти миллӣ даъват намуд.