ҚУВВАОЗМОИИ «РЕГАР — ТАДАЗ» ВА «ЛОКОМОТИВ» ЯКРАНГ АНҶОМ ЁФТ

               Душанбе, 29 июл. (АМИТ «Ховар», Пайрав Назаров ). — Бегоҳии 28 июл дар варзишгоҳи марказии ҷумҳуриявии пойтахт қувваозмоии рафиқонаи дастаҳои футболи «Регар — Тадаз» — и Тоҷикистон ва «Локомотив» — и Маскав баргузор гардид.               Мухбири АМИТ «Ховар» хабар медиҳад, ки ҳар ду даври қувваозмоӣ бо ҷӯшу хурӯш ва азму талоши футболбозони ҳар ду даста гузашт. Хабар дода мешавад, ки бозӣ бо ҳисоби баробари 2:2 анҷом ёфт. Ба меҳмонон муяссар шуд, ки тӯби дуюмро дар дақиқаҳои охирини бозӣ ба дарвозаи ҳарифонашон зада, худро аз бохт наҷот диҳанд.