ДАР МИНТАҚАИ КӮЛОБ ҲОДИСАҲОИ СӮХТОР МЕАФЗОЯД

                     Кӯлоб, 6 июл. (АМИТ «Ховар», Сулаймон Холов). — Дар давоми шаш моҳи соли ҷорӣ дар минтақаи Кӯлоб 30 ҳодиссаи сӯхтор ба қайд гирифта шудааст, ки зарари умумии он 120 ҳазору 41 сомониро ташкил медиҳад. Дар ин бора ба мухбири АМИТ «Ховар» сардори шӯъбаи оташнишонии минтақа, полковники хизмати дохила Назримад Аюбов иттилоъ дод.                      Ба иттилои манбаъ дар ин муддат 12 ҳодиса дар шаҳри Кӯлоб, 7 ҳодиса дар ноҳияи Восеъ, 2 ҳодиса дар ноҳияи Ҳамадонӣ, 4 ҳодиса дар ноҳияи Фархор, 3 ҳодиса дар ноҳияи Мӯъминобод ва 2 ҳодиса дар ноҳияи Ховалинг ба қайд гирифта шудааст, ки ин нисбати ҳамин давраи соли гузашта 2 адад зиёд аст.                      Мавриди зикр аст, ки кормандони Хадамоти оташнишонӣ дар минтақаи Кӯлоб дар давоми 6 моҳи соли равон 749 ҳодисаи сӯхторрро пешгирӣ карда, ба маблағи 1 миллиону 145 ҳазор сомонӣ молу мулкро наҷот додаанд.