ДАР ТОҶИКИСТОН ИСТЕҲСОЛИ ТИЛЛО ВА АЛЮМИНИЙ КАМ ШУД
Душанбе, 21 июл. (АМИТ «Ховар», Кристина Эрлих). — Дар Тоҷикистон вобаста ба бӯҳрони шадиди молиявию иқтисодӣ истеҳсоли маҳсулот дар бисёр корхонаҳо кам шуд ва баъзе корхонаҳо аз кор монданд. Аз ҷумла, дар мамлакат истеҳсоли тилло ва алюминий хеле кам гардид. Дар ин бора зимни нишасти матбуотии дар Вазорати энергетика ва саноати Тоҷикистон баргузоргардида хабар дода шуд. Қайд карда шуд, ки истеҳсоли тилло соли равон нисбат ба ҳамин давраи соли гузашта 100 килограмм ва истеҳсоли алюминий 35 ҳазор тонна кам шудааст. Муовини вазири энергетика ва саноат Маҳмадшариф Ҳақдодов изҳор намуд, ки вақтҳои охир дар ҷумҳурӣ теъдоди сохтмони корхонаҳои калобаресӣ зиёд гардида, корхонаҳои қаблан азкормонда бақарор намуда ва ба кор дароварда мешаванд. Дар соҳаи энергетика пешрафти назаррас мушоҳида мешавад. Вазъи ин соҳа ояндаи наздик боз ҳам беҳтар хоҳад гашт. Дар ин бора паймони сеҷонибаи Тоҷикистон, Афғонистон ва Покистон дар бораи сохтмони хатҳои баландшиддати интиқоли барқ аз Тоҷикистону Қирғизистон ба Афғонистон ва Покистон шаҳодат медиҳад. Рӯзҳои наздик сарони давлатҳои Тоҷикистону Афғонистон ва Покистону Русия дар шаҳри Душанбе мулоқот хоҳанд кард. Дар ҷараёни мулоқот масъалаи сохтмони хатҳои интиқоли барқ ва сохтмони нерӯгоҳҳои нави барқӣ баррасӣ карда хоҳанд шуд. Қайд карда шуд, ки Тоҷикистон қарзи худро аз ширкати «Ӯзтрансгаз» то моҳи октябри соли равон пурра бармегардонад. Тоҷикистон барои истифодаи гази табиӣ аз Ӯзбекистон айни ҳол 16 миллион доллари ИМА қарздор мебошад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
