ХУДКУШӢ ДАР СУҒД БОИСИ ТАШВИШИ ҲАМАГОН АСТ

                Душанбе, 1 июл. (АМИТ «Ховар», Лаззат Диловарзод).- Бино ба иттилои корманди масъули ҳукумати вилояти Суғд Аъзамхон Холмирзоев, дар давоми 5 моҳи соли ҷорӣ дар ҳудуди вилояти Суғд 89 ҳодисаи ба худкушӣ даст задании шаҳрвандони синну соли гуногун ба қайд гирифта шудааст.                 Бино ба маълумоти ҳамин манбаъ, дар ду соли охир беш аз 400 нафар сокинони вилоят даст ба худкушӣ задаанд.                 Ин масъала боиси нигаронии аҳли ҷомеаи вилоят гардидааст.                 Бо мақсади пешгирии ҳодисаҳои худкушӣ аз ҳисоби кормандони ҳукумати вилоят, намояндагони ҳифзи ҳуқуқ, ташкилотҳои ғайридавлатии занону ҷавонони вилоят комиссияи махсуси тарғибу ташвиқи зидди ин ҳодисаҳо таъсис дода шуд. Дар натиҷаи фаъолияти кори комиссия, ҳодисаҳои қасд ба худкушӣ дар байни ҷавонон коҳиш ёфт, аммо дар байни калонсолон чун пештара ташвишовар боқӣ мондааст.