КЎМАКИ БОНКИ РУШДИ ОСИЁ БА ТОҶИКИСТОН
Душанбе, 8 июл. (АМИТ «Ховар», Наргис Бояхмедова).-Дирӯз дар шаҳри Душанбе байни Ҳукумати ҷумҳурии Тоҷикистон ва Бонки рушди Осиё дар бораи расондани кӯмаки навбатӣ барои рафъи оқибатҳои бӯҳрони ҷаҳонии молиявӣ қарордод имзо шуд. Тибқи қарордод, Бонки рушди Осиё бо ин мақсад ба Тоҷикистон ба маблағи 40 миллион доллари ИМА кӯмак мерасонад. Кӯмаки бонки мазкур ба Ҳукумати мамлакат имкон медиҳад, барномаҳоеро иҷро кунад, ки ба таъмини эҳтиёҷоти иҷтимоии мардум, додани музди кору маош, ёрдампулиҳо ва таъминоти гурӯҳҳои эҳтиёҷманди аҳолӣ бо озуқаворӣ ва дору равона карда шудаанд. Як қисми маблағи кӯмак барои ташкили ҷойҳои нави кор барои муҳоҷирони аз мамлакатҳои дигар баргашта сарф карда мешавад. Мухбири АМИТ «Ховар» хабар медиҳад, ки қарордоди мазкурро аз ҷониби Тоҷикистон вазири молия Сафаралӣ Наҷмиддинов ва аз ҷониби Бонки рушди Осиё намояндаи доимии он Макото Оҷиро имзо карданд.
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
