МАРОСИМИ САВГАНДЁДКУНИИ ПРЕЗИДЕНТИ ҚИРҒИЗИСТОН

                  Бишкек, 30 июл. (АМИТ «Ховар» — Лента.Ру). — Раиси шаҳри Бишкек Наримон Тюлев 29 июл ба сокинон ва меҳмонони пойтахти ҷумҳурӣ муроҷиатнома дарҷ намуда, хабар дод, ки маросими савгандёдкунии Президенти Қирғизистон Қурмонбек Боқиев 2 август баргузор мегардад.                   Вай ёдовар шуд, ки дар ин муддат дар Қирғизистон ду воқеаи муҳим рух медиҳад. Рӯзҳои 31 июл ва 1 август дар Қирғизистон мулоқоти сарони давлатҳои аъзои Созмони аҳдномаи амнияти дастаҷамъӣ баргузор мегардад. Ин воқеа аз ҷиҳати таъмини амнияти дастаҷамъии байналхалқӣ аҳамияти калон дошта, барои мо ифтихори бузург мебошад. Воқеаи дигари муҳим, ки дар давоми ҳамин ҳафта дар пойтахти мамлакат баргузор мегардад, маросими ботантанаи савганд ёд кардани Президенти Ҷумҳурии Қирғизистон мебошад, гуфта мешавад дар муроҷиатномаи раиси шаҳри Бишкек.                                                                                                Тарҷумон — Қудратов А.