МУЛОҚОТИ ВАЗИР БО ЁВАРИ КОТИБИ ДАВЛАТИИ ИМА
Душанбе, 6 июл. (АМИТ «Ховар», Пайрав Назаров).- Вазири корҳои хориҷии Ҷумҳурии Тоҷикистон Ҳамрохон Зарифӣ имрӯз бо ёвари котиби давлатии Иёлоти Муттаҳидаи Амрико дар масъалаҳои Осиёи Ҷанубӣ ва Марказӣ Роберт Блейк мулоқот кард, ки барои боздиди корӣ ба Душанбе омадааст. Зимни сӯҳбат маҷмӯи масъалаҳои марбут ба муносибатҳои дуҷониба ва проблемаҳои минтақавии мавриди назари тарафайн баррасӣ шуданд. Дар ҷараёни сӯҳбат зикр шуд, ки муносибатҳои дуҷонибаи Тоҷикистону Амрико хусусияти дӯстона ва амалӣ доранд. Дипломати амрикоӣ нақши муҳими Тоҷикистонро дар бобати истиқрори сулҳу субот дар Афғонистон таъкид намуд. Вай зарурати вусъат додани ҳамкориро дар байни ҳар ду кишвар зикр намуд. Мусоҳибон барномаҳои сохтмони нерӯгоҳҳои барқӣ дар Тоҷикистон ва кашидани хатҳои нави интиқоли барқро аз Тоҷикистон ба мамлакатҳои дигари минтақа ҷонибдорӣ карданд. Роберт Блейк дар фарҷоми сӯҳбат аз номи Котиби давлатии ИМА вазири корҳои хориҷии Тоҷикистонро даъват намуд, ки ба Вашингтон ташриф орад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
