НАҚШАИ АНДОЗИ ИҶТИМОӢ 101,0 % ИҶРО ГАРДИДА

                  Душанбе, 22 июл. (АМИТ «Ховар», Фарангис Рахимова). — Нақшаи андози иҷтимоӣ дар шаш моҳи авали соли ҷорӣ аз ҳисоби ташкилотҳои ғайрибуҷетӣ дар ҳаҷми 101,0 % иҷро гардида, ба ҷойи 215,5 миллион сомонии пешбинишуда 217,7 миллион сомонӣ маблағ ворид карда шуд, ки он аз нақша 2,2 миллион сомонӣ бештар мебошад ва нисбат ба ҳамин давраи соли гузашта ба андозаи 65,5 миллион сомонӣ зиёд аст, гуфт имрӯз 22 июл дар Душанбе зимни нишасти матбуотӣ раиси Кумитаи андози назди Ҳукумати ҶТ Нусратулло Давлатов.                   Ба гуфтаи ӯ нақшаи воридоти андозҳо ва пардохтҳо дар нимсолаи аввали соли 2009 дар 19 мақомоти ҳудудии андоз таъмин карда нашуд, аз ҷумла дар вилояти Хатлон нозиротҳои андози ноҳияҳои Бохтар (93,6%), Вахш (98,6), Ҷалолиддини Румӣ (71,1), Хуросон (94,8), Ҷиликул (84,1), Қубодиён (87,0), Абдураҳмони Ҷомӣ (93,4), Панҷ (74,8), Шаҳритуз (85,5), Сарбанд (97,1), Носири Хусрав (95,7), Восеъ (95,6), Қумсангир (89,5) ва Норак (94,6), дар вилояти Суғд шаҳри Панҷакент (94,1), ноҳияҳои Зафаробод (70,9), Мастчоҳ (85,4) ва Спитамен (99,0) аз шаҳру ноҳияҳои тобеи ҷумҳурӣ ноҳияи Варзоб (95,5) фоиз иҷро гардидданд.