«ШОҲОНА», «ОРИЁ» ВА «ВИСОЛ» ХОНИ ДУШАНБЕГИҲОРО ПУРНОЗ МЕГАРДОНАНД

                   Душанбе, 21 июл.(АМИТ «Ховар», Марзия Саидова).- Ҷамъиятҳои дорои масъулияташон маҳдуди «Тиҷорати фурӯзон», «Наҷмуддинов», «Висол», «Ёқутиён», «Графика Арт», «Помир — чарм», Ҷамъияти саҳҳомии пӯшидаи «Ориё» ва Корхонаи фаръии заводи машруботи «Шоҳона» аз корхонаҳои саноатии пойтахт мебошанд, ки дар нимсолаи аввали соли равон ба фаъолият шурӯъ намуданд.                    Аз хадамоти матбуотии Раиси шаҳри Душанбе ба АМИТ «Ховар» иттилоъ доданд, ки корхонаҳои мазкур аз ҳисоби ба истифода додани хатҳои истеҳсолии нав бо ҷалби сармояи ватанӣ ташкил карда шудаанд.                    Ин корхонаҳо бо таҷҳизоту хатҳои технологии муосир ҷиҳозонида шуда, маҳсулоти коркарди резин ва истеҳсоли пойафзол, дӯзандагӣ, коркарди чарм, маводи сохтмон, маҳсулоти полиграфӣ, машрубот ва нӯшокиҳои ғайриспиртӣ истеҳсол намуда, ҷиҳати ташкили беш аз 100 ҷои кор дар пойтахт мусоидат намуданд.