ДАР НИЖНЫЙ НОВГОРОД ҶАМЪИЯТИ ТОҶИКОН ТАШКИЛ ЁФТ

                Нижный Новгород, 18 август. (АМИТ «Ховар», Наргис Бояхмедова). — Аз сафорати Тоҷикистон дар Федератсияи Русия ба АМИТ «Ховар» хабар доданд, ки дар Нижный Новгород Созмони минтақавии ҷамъиятии «Маркази фарҳангии тоҷикон — Дӯстӣ» ташкил ёфт ва шумораи нахустини ҳафтаномаи «Дӯстӣ» аз чоп баромад.                 Сафири фавқулодда ва мухтори Тоҷикистон дар Русия Абдулмаҷид Достиев ташкилкунандагони ҷамъияти мазкурро табрик намуда, зикр кард, ки Тоҷикистон ҳамкории доманадори худро ривоҷ дода, ба вусъати ҳамкорӣ бо минтақаҳои Федератсияи Русия, аз ҷумла вилояти Нижегород аҳамияти калон медиҳад.                 Сафир изҳори боварӣ намуд, ки муносибатҳои дӯстона ва ҳамкории Тоҷикистону Русия минбаъд ҳам ривоҷ меёбанд. Тоҷикистон бо вилояти Нижегород дар ҳамаи соҳаҳои иқтисодиёт хамкорӣ хоҳад кард. Ин аз ҳар ҷиҳат ба манфиати халқҳои ҳар ду кишвар мебошад, менависад А.Достиев.                                                                                        Тарҷумон — Қудратов А.