ФАЛОКАТ ДАР РОҲ

                Душанбе, 17 август. (АМИТ «Ховар», Наталья Михайлова).-Шаби 17 август дар роҳи Қӯрғотеппа-Ҷалолиддини Румӣ ронандаи мошини сабукрави «Опел-Астра» Усмоналӣ Абдулманонов аз ӯҳдаи идораи мошин набаромада, бо мошини боркаши «Зил», ки ронандааш Аловуддин Сайфиддинов буд, бархӯрд. Дар натиҷаи садама ронандаи мошини сабукрави «Опел-Астра» ва ду мусофир ба ҳалокат расида, се мусофири дигари ҳамин мошин ба шифохона фиристода шуданд.                  16 август дар роҳи Душанбе-Кӯлоб ронандаи мошини «ДЭУ -Сиело» аз ӯҳдаи идораи мошин набарома ва дар натиҷа мошин аз ҷарии баландиаш 92 метр сарозер шуд. Дар натиҷаи фалокат се мусофир ҳалок ва як мусофир ба шифохона фиристода шуд.                  Чуноне ки аз дафтари матбуотии БДА ВКД Ҷумҳурии Тоҷикистон ба АМИТ «Ховар» хабар доданд ҳафтаи гузашта дар ҷумҳурӣ 42 фалокати нақлиётӣ ба қайд гирифта шуд, дар натиҷаи онҳо 13 нафар ҳалок ва 49 нафар маҷрӯҳ шуданд.