КӮМАКИ ХАЙРИЯ БА ТОҶИКИСТОН
Душанбе, 13 август. (АМИТ «Ховар», Наргис Бояхмедова). — Созмони Милали Муттаҳид созмонҳои байналхалқӣ ва мамлакатҳои ҷаҳонро даъват намуд, ки хоҳиши Ҳукумати Тоҷикистонро ба назар гирифта, барои расондани кӯмак ба сокинони маҳалҳое, ки фасли баҳори соли равон аз боришҳо зарар дидаанд, 8 миллион доллар ҷудо кунанд. Бар асари боришҳои тӯлонии фасли баҳори имсола 26 нафар ҳалок шуда, зиёда аз се ҳазор нафар бесарпаноҳ монд. Ҳамон вақт дар давоми шаш ҳафта бештар аз 2 ҳазор иморат, аз ҷумла, хонаҳои истиқоматӣ, мактабҳо ва шифохонаҳо хароб гардиданд. Ҳукумати Тоҷикистон ва созмонҳои хайрия саривақт ба зарардидагон кӯмак расонда, онҳоро бо хайма, озуқа, оби тоза ва ғайра таъмин намуданд. Вале то имрӯз садҳо оилаи аз фалокат зарардида сарпаноҳ надошта, дар хонаҳои хешу таборашон зиндагӣ мекунанд ва барои сохтани манзил маблағ надоранд. Мо бояд ба онҳо барои ҳалли проблемаҳояшон кӯмак расонем, гуфт намояндаи СММ дар Тоҷикистон Майкл Ҷонс. Тарҷумон — Қудратов А.
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
