МУҲОКИМАИ ВАЗЪИ АСАРҲОИ АДИБОНИ ҶАВОН

                       Душанбе, 20 август. (АМИТ «Ховар», Лутфия Эшонқулова).- 19 август як қатор адибону муҳаққиқон бо роҳбарии муовини раиси Иттифоқи нависандагони Тоҷикистон Камол Насрулло ба ВМКБ сафар карданд. Зимни сафар ҳайати мазкур дар конфронси адибони ҷавони вилоят, ки аз 20 то 23 август дар ин минтақа баргузор мегардад, иштирок менамоянд. Дар конфронс иштирокчиён вазъи асарҳои адибони ҷавонро муҳокима карда, ба мазмуну мундариҷаи он баҳо медиҳанд.                        Бояд қайд кард, ки имрӯз вазъи асарҳои адибони ҷавон талабгӯи ҷомеа набуда, дар сатҳи на он қадар баланд офарида мешаванд.Ҳамчунин дар доираи конфронс вохӯрии аҳли илму адаб бо мардуми вилоят ва маҳфилҳои эҷодӣ гузаронида мешавад.                       Дар ин бора ба мухбири АМИТ «Ховар» муовини аввали Иттифоқи нависандагон Абдулҳамид Самадов хабар дод.