ВИЧ/СПИД АЗ ДИДГОҲИ ИСЛОМ

                   Душанбе, 20 август. (АМИТ «Ховар», Ибодат Давлатова). — 20 августи соли равон дар меҳмонхонаи «Меркуриӣ» мизи мудаввари ҷумҳуриявӣ оид ба муаррифии Дастури «ВИЧ/СПИД аз дидгоҳи Ислом» баргузор гардид.                   Дар он намояндагони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Донишкадаи исломии Тоҷикистон ба номи Имоми Аъзам ва Барномаи Рушди Созмони Миллали Муттаҳид бо дастгирии Хазинаи Глобалӣ оид ба муборизаи зидди ВИЧ/СПИД, сил ва вараҷа дар Ҷумҳурии Тоҷикистон иштирок намуданд.                  Тавре иштирокчиён қайд намуданд, дастури мазкур бори аввал соли 2007 аз ҷониби собиқ Донишгоҳи исломии Тоҷикистон ба номи Имом Тирмизӣ бо кӯмаку дастгирии молиявии ташкилоти АКТ ЦЕНТРАЬНАЯ АЗИЯ ба теъдоди 1750 нусха ба нашр расид.                  Нашри дуюми он бо дастгирии молиявии Хазинаи Глобалӣ (барнома оид ба муборизаи зидди бемориҳои ВИЧ/СПИД, сил ва вараҷа дар ҶТ) бо каме тағйиру илова ва маслиҳатҳои муфид ба адади 100 000 нусха ба нашр расонида шуд.