ҲАМКОРИҲОИ ИҚТИСОДИИ ТОҶИКИСТОНУ ҲИНДУСТОН

                 Душанбе, 17 сентябр. (АМИТ «Ховар», Лаззат Диловарзод).- Ҳафтаи сипаришуда дар шаҳри Истаравшан муаррифии (презентатсия)- и сохтмони корхонаи сементбарории шаҳр доир гардид. Корхона дар як сол то 300 ҳазор тонна семент истеҳсол менамояд.                 Чуноне ки аз Кумитаи давлатии сармоягузорӣ ва идораи амволи давлатӣ иттилоъ доданд, корхонаи мазкур дар асоси сармоягузории ширкати ҳиндустонии «Agramal» ба маблағи 16 млн. доллари амрикоӣ сохта мешавад.                  Лоиҳаи сохтмони корхонаро ширкати тоҷикистонии «Ҳадияи Нур» пешниҳод намудааст. Тибқи шартнома қариб тамоми коргаронни сохтмончӣ шаҳрвандони Тоҷикистон мебошанд.