БЕМОРХОНАИ КАСАЛИҲОИ СИЛ БА КОР ОҒОЗ КАРД

                 Душанбе, 15 сентябр. (АМИТ «Ховар», Лаззат Диловарзод).- Ҳафтаи сипаришуда беморхонаи бачагонаи касалиҳои сил баъди тармим ва таҷдид аз нав ба кор оғоз кард. Чуноне, ки аз дафтари матбуоти Вазорати тандурустӣ иттилоъ доданд, таъмири беморхона аз ҳисоби барномаи рушди СММ дар асоси барномаи грантии Фонди Глобалӣ тармиму таҷдид гардид. Барои азнавсозӣ ва таъмини он бо таҷҳизот 160 ҳазор доллар масраф шуд.                Беморхона асосан барои 50 кат пешбинӣ гардидааст. Роҳбарияти беморхона тамоми дорувории заруриро барои табобати бачагони ба бемории сил гирифтор харидорӣ намуд.                 Аввалиин беморон баъди азнавсозии касалхона барои табобат қабул карда шуданд.