Д.НАЗАРОВ ДАР ҶОИ ПАНҶУМ

                Душанбе, 14 сентябр. (АМИТ «Ховар», Пайрав Назаров). — Рӯзҳои 12 – 13 сентябр дар шаҳри Салоникии Юнон мусобиқоти қаҳрамонии варзишгарони сабуки ҷаҳон баргузор гардид. Дар он гурзпартои тоҷик Дилшод Назаров иштирок дошт ва ҷои панҷумро ишғол намуд. Ӯ гурзро ба масофаи 77 метру 14 сантиметр партофта, дар байни 8 нафар варзишгари беҳтарини ҷаҳон ҷой гирифт.                 Мухбири АМИТ «Ховар» хабар медиҳад, ки намояндаи Словения Примош Козмуш гурзро аз ҳама дуртар, ба масофаи 79 метру 80 сантиметр партофта, ҷои аввалро ишғол намуд. Ҷои дуюмро варзишгари Латвия Игор Соколов, ҷои сеюмро варзишгари Маҷористон Крижтиан Форс, ҷои чорумро варзишгари Русия Алексей Загорний, ҷои панҷумро Дилшод Назаров, ҷои шашумро намояндаи Лаҳистон Шимон Циолковский, ҷои ҳафтумро варзишгари Хорватия Андреас Наклитс ва ҷои ҳаштумро намояндаи Кувайт Муҳаммад Алзинқавӣ ишғол намуданд.