ДАР АФҒОНИСТОН БЕМОРИИ ВАБО ПАҲН МЕГАРДАД

                Кобул, 14 сентябр. (АМИТ «Ховар» — Вести.ру). – Вазорати тандурустии Афғонистон рӯзи якшанбе хабар дод, ки дар баъзе вилоятҳои мамлакат, аз ҷумла, шаҳри Кобул паҳншавии бемории вабо ба қайд гирифта шуд. То рӯзи якшанбе дар миқёси мамлакат 673 бемор ба қайд гирифта шуд. Ба минтақаҳое, ки шумораи беморон зиёданд, гурӯҳҳои духтурон ва санитарҳо фиристода шуданд. Онҳо манбаъҳои паҳншавии бемориро муайян намуда, барои пешгирии он тадбирҳо меандешанд.                 Бояд гуфт, ки дар саросари Афғонистон системаи канализатсия вуҷуд надорад, ҳамаи ахлот ва ифлосиҳо ба ҷӯю дарёҳо партофта мешаванд. Бинобар ин нӯшидани оби онҳо барои саломатӣ хавфи калон дорад. Қайд карда мешавад, ки системаи канализатсия танҳо дар намояндагиҳои дипломатии хориҷӣ ва маҳалли хонаҳои баландошёна мавҷуд аст, ки солҳои 80 – уми асри гузашта бо кӯмаки техникии Иттиҳоди Шӯравӣ сохта шудаанд.                Мамлакатҳои хориҷӣ ва созмонҳои байналхалқӣ барои рушди Афғонистон миллиардҳо доллар сарф кунанд ҳам, барои бунёди системаи канализатсия дар ин мамлакат ягон чора намеандешанд.