ХОНАҲОИ НАВ БА ОМӮЗГОРОН
Хуҷанд, 7 сентябр. (АМИТ «Ховар», Санавбар Мақсудова). – 5 сентябр дар арафаи ҷашни 18 — солагии истиқлолияти давлатии мамлакатамон 27 омӯзгори филиали Донишгоҳи технологии Тоҷикистон дар Хуҷанд соҳиби хонаҳои нав гардиданд. Онҳоро ба ин муносибат раиси вилоят, муовини аввали раиси Маҷлиси миллии ҷумҳурӣ Қоҳир Расулзода табрик намуд. Директори филиали донишгоҳи мазкур Анвар Мақсудов ба мухбири АМИТ «Ховар» гуфт, ки барои сохтмони бинои истиқоматии чорошёна аз ҳисоби маблағи донишгоҳ 1,1 миллион сомонӣ ҷудо карда шуд. Ҳамон рӯз раиси вилоят Қ.Расулзода бо омӯзгорону донишҷӯёни филиали донишгоҳ мулоқот кард. Зимни мулоқот мушкилоти таҳсилу истироҳати донишҷӯён, ҷудо кардани қитъаи замин барои гузаронидани таҷрибаи донишҷӯёни факултаи агротехнологӣ, фасли зимистон бо қувваи барқ таъмин намудани хобгоҳҳо, нарасидани синфхонаҳо ва ғайра мавриди баррасӣ қарор гирифтанд. Раиси вилоят ваъда дод, ки ҳамаи ин масъалаҳо то ҳадди имкон мусбат ҳал карда мешаванд.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
