КОРМАНДОНИ НУҚТАҲОИ ИНТИҚОЛИ МАБЛАҒРО МЕОМӮЗОНАНД

                 Душанбе, 3 сентябр. (АМИТ «Ховар», Бекназари Абӯбакр). — Бо мақсади иҷрои талаботҳои дастурамал «Оид ба тартиби анҷом додани амалиёти интиқолӣ аз ҷониби шахсони воқеӣ бе кушодани ҳисобҳои асъорӣ» ва қарори раёсати Бонки миллии Тоҷикистон «Оид ба талабот нисбати таҷҳизонидани нуқтаҳои хизматрасонии интиқоли пулӣ», идораҳои дахлдори Бонки миллии Тоҷикистон дар миқёси ҷумҳурӣ оид ба мувофиқ гардонидани нуқтаҳои хизматрасонии интиқоли пулӣ ба ин талаботҳо мониторинг гузарониданд. Натиҷаи санҷиш нишон дод, ки дар фаъолияти нуқтаҳои интиқоли пулӣ камбудиҳои ҷиддӣ ҷой доранд.                 Бо назардошти гуфтаҳои боло, Маркази таълимии байнибонкӣ ва Идораи танзими асъори Бонки миллии Тоҷикистон оид ба рафъи камбудиҳои ин соҳа барои операторони нуқтаҳои интиқоли пулӣ курсҳои кўтоҳмуддати махсус ташкил намуданд. Ин курсҳо дар толори таълимии Ассотсиатсияи бонкҳои Тоҷикистон гузаронида мешаванд. Нахустин курси тайёрии ибтидоӣ рўзҳои 24-26 август барои кормандони ҶСК «Ориёнбонк» гузаронида шуд.