МУНОҚИШАИ МУСАЛЛАҲОНА БО ИШТИРОКИ ШАҲРВАНДОНИ ТОҶИКИСТОН

                Маскав, 7 сентябр. (АМИТ «Ховар» — РБК.ру). – Аз дафтари матбуоти Раёсати корҳои дохилии шаҳри Маскав хабар доданд, ки 6 сентябр тақрибан соати 16 – у 40 дақиқа ба вақти Маскав дар қисмати дохилии Шоҳроҳи давродаври мошингарди Маскав дар ҳудуди Маркази савдои «Амирал» байни шаҳрвандони Тоҷикистон муноқиша ба амал омад, ки бо тирпарронӣ анҷом ёфт. Дар натиҷа 5 шаҳрванди Тоҷикистон маҷрӯҳ гардида ба шифохона фиристода шуданд.                Иштирокчиёни дигари муноқиша пеш аз ба ҷои воқеа омадани кормандони милиса ба ду мошини сабукрави Жигули савор шуда, фирор карданд. Кормандони мақомоти дахлдор онҳоро ҷустуҷӯ мекунанд.