ПРЕЗИДЕНТИ МОЛДАВИЯ БА ИСТЕЪФО РАФТ

                 Кишинёв, 14 сентябр. (АМИТ «Ховар» — Вести.ру). – Мақоми олии ҳокимияти давлатии Молдавия 11 сентябр раиси парлумон Михай Гимпуро иҷрокунандаи вазифаи президенти мамлакат таъин намуд. Мақоми мазкур қабл аз ин аризаи президенти мамлакат Владимир Воронинро мавриди баррасӣ қарор дод. Аризаи президентро М.Гимпу дар ҳузури вакилони мардуми қироат кард.                 Владимир Воронин вакили парлумони Молдавия мебошад. Вай рӯзи қироати аризааш ба маҷлиси парлумон ҳозир нашуд. Хабар дода мешавад, ки В.Воронин рӯзи ҷумъаи ҳафтаи гузашта аризаи истеъфои худро ба котиботи парлумон супорид. Истеъфои В.Воронин ба он вобаста мебошад, ки вакили парлумон ҳамзамон дар вазифаи дигар кор карда наметавонад.                 Инчунин сарвазири Молдавия, ду муовини ӯ ва се вазир аризаи истеъфо пешниҳод намуданд. Ҳизби коммунистон, ки дар давоми 8 соли охир дар сари ҳокимият қарор дошт, ба сафи мухолифини ҳукумати Молдавия дохил шуд.