3000-СОЛАГИИ ТАМАДДУНИ ҲИСОР ТАҶЛИЛ МЕГАРДАД

                  Душанбе, 20 октябр.(АМИТ «Ховар», Марзия Саидова).-«Ояндаи наздик 3000-солагии тамаддуни Ҳисори бостон дар сатҳи ҷумҳурӣ бо шукӯҳу шаҳомат таҷлил карда хоҳад шуд», гуфт зимни нишасти матбуотӣ ба хабарнигорон Раиси Мақомоти иҷроияи ҳокимияти давлатии ноҳияи Ҳисор Муҳаммадалӣ Очилдӣ.                   Мавсуф зикр кард, ки дар ин масъала ба унвонии Ҳукумати Ҷумҳурии Тоҷикистон мактуб пешниҳод карда шудааст, ки алҳол он мавриди баррасӣ қарор дорад ва умед аст, ки дастгирӣ меёбад.                  Ҳамчунин, Раиси ноҳияи Ҳисор афзуд, ки Мамнӯъгоҳи таърихӣ-фарҳангии Ҳисор, ки бо номи Қалъаи Ҳисор маъмул аст, ҳамчун ёдгории беназири таърихӣ ба рӯйхати Созмони мероси фарҳангии ЮНЕСКО пешниҳод карда шудааст.