5 ҲАЗОР ОСОРИ ХАТТӢ ДАР ТОҶИКИСТОН

                  Душанбе, 22 октябр. (АМИТ «Ховар», Наргис Бояҳмедова). – Дар Душанбе миёни Академияи улуми Ҷумҳурии Тоҷикистон ва Маркази фарҳанг ва осори Ҷумъа–ал–Маҷид – и Аморати Муттаҳидаи Араб Созишнома оид ба барқароркунии дастнависҳо ва китобҳои қадимӣ ба имзо расид. Созишномаро аз ҷониби Ҷумҳурии Тоҷикистон раиси Академии улуми мамлакат Мамадшо Илолов ва аз ҷониби Аморати Муттаҳидаи Араб Ҷумъа – ал – Маҷид имзо карданд.                   Дар доираи Созишнома 21 октябри соли ҷорӣ дар Пажӯҳишгоҳи шарқшиносӣ ва осори хаттии АУ Тоҷикистон бо дастгирии молиявии Маркази фарҳанг ва осори Ҷумъа–ал–Маҷид маросими кушодашавии коргоҳ барои барқарорсозии дастхатҳои қадимӣ ва китобҳои Тоҷикистон барпо шуд. Коргоҳ бо технологияи муосир ба арзиши 100 ҳазор доллари ИМА таҷҳизонида шудааст.                    Ёдрас мешавем, ҳайати кории Аморати Муттаҳидаи Араб бо роҳбарии раиси Маркази фарҳанг ва осори Ҷумъа–ал–Маҷид бо даъвати Президенти мамлакат Эмомалӣ Раҳмон дар Душанбе қарор доранд.                     Бояд қайд кард, ки аксарияти дастнавис ва мероси қадимаи хаттии мардумони Осиёи Марказӣ дар Тоҷикистон нигоҳ дошта мешаванд ва шумораи онҳо зиёда аз 5 ҳазор нусха мебошанд.