ФАҚЕҲОНИ ИСЛОМӢ ДАР ТОҶИКИСТОН

                 Душанбе, 22 октябр. (АМИТ «Ховар», Кристина Эрлих). — Дирӯз дар Душанбе дар маркази матбуоти ҷумҳуриявӣ мизи мудаввар таҳти унвони «Фақеҳони исломӣ дар Тоҷикистон» баргузор шуд. Дар мизи мудаввар намояндагони як қатор вазорату муассисаҳо, ташкилотҳои динӣ ва васоити ахбори омма иштирок карданд.                 Ҷараёнҳои динӣ дар Тоҷикистон, нақши фақеҳони тоҷик ва рӯҳониён дар таҳкими ваҳдати миллӣ, муносибати рӯҳониён ба равандҳои сиёсӣ, муносибат байни фақеҳони исломӣ ва зиёиён, муносибати давлат ба уламо ва авзои динӣ дар Тоҷикистон аз мавзӯъҳое буданд, ки дар ин чорабинӣ баррасӣ шуданд.                   Ҳамчунин дар мизи мудаввар муаррифии китоби сиёсатшиноси шинохта Абдулло Раҳнамо «Уламои исломӣ дар Тоҷикистон» сурат гирифт. Китоб ба ҳаёт ва фаъолияти уламои исломӣ дар Тоҷикистон бахшида шуда, дар он дар бораи равияҳои динии дар мамлакат амалкунанда, нақл карда мешавад.