ХАБАРИ ХУШИ АЗ ВАЗОРАТИ КИШОВАРЗӢ

                Душанбе, 8 октябр. (АМИТ «Ховар», Лаззат Диловарзод).- Таъмини амнияти озуқаворӣ аз соҳаи кишоварзӣ вобаста аст.                Дар нишасти матбуотие, ки Вазорати кишоварзӣ ба муносибати дар ҳамаи шаклҳои хоҷагидорӣ ба даст овардани ҳосили 1 млн. 97 ҳазор тонна ғалла баргузор намуд, қариб тамоми хабаргузориҳои дохилу хориҷи кишвар иштирок доштанд.                 -Бори аввал кишоварзони ҷумҳурӣ дар таърихи ба даст овардани истиқлолият ба чунин натиҷаи баланди ҳосили ғалладона ноил гардиданд,- иброз дошт сардори Раёсати сиёсати иқтисодии Вазорати кишоварзӣ Сафар Маҳаммадиев.                Дар ба даст овардани ҳосили фаровони ғалладонагиҳо, махсусан гандум деҳқонону кишоварзони вилоятҳои Хатлону Суғд саҳми арзанда гузоштанд.                Ба гуфти С. Муҳаммадиев, дар сурати пурра ҷамъоварӣ шудани ҳосили умумии ғалладона бо кишти такрорӣ дар кишвар ҳосили ғалладонагиҳо ба 1 млн. 200 ҳазор тонна расонида мешавад.