КИҲОРО АЗ МАМЛАКАТ ХОРИҶ МЕКУНАНД?

                 23 октябр. (АМИТ «Ховар», Покиза Маҳмадбекова). — Имрӯз бо ташаббуси Хадамоти муҳоҷирати ВКД – и Ҷумҳурии Тоҷикистон бо иштироки мутахассисон, роҳбарони хадамоти муҳоҷират, ташкилотҳои давлатӣ ва ҷамъиятӣ, намояндагони васоити ахбори омма мизи мудаввар баргузор карда хоҳад шуд.                  Тавре аз Хадамоти муҳоҷирати ВКД – и Ҷумҳурии Тоҷикистон ба АМИТ «Ховар» иттилоъ доданд, мақсад аз баргузории мизи мудаввар муайян ва мукаммал кардани тарбиби фаъолияти маъмурӣ дар асоси талаботи Кодекси Ҷумҳурии Тоҷикистон «Оид ба ҳуқуқвайронкуниҳои маъмурӣ» ва таҳкими ҳамкорӣ бо вазорат ва идораҳои дахлдор мебошад. Ҳамчунин дар рафти чорабинӣ тартиби аз мамлакат хориҷ кардани шаҳрвандони хориҷӣ ва шахсони бе шаҳрвандӣ буда, муҳокима мешаванд.                «Муҳокимаи масъалаҳои мазкур бо мутахассисони бахши муҳоҷират барои ёфтан ва ҷорӣ кардани тартиби муфид, қулай ва осон шароит фароҳам меорад. Дар натиҷа, вобаста ба ҳар як ҳолат тавозун миёни ҳимояи манфиатҳои давлат ва кафолати ҳукуқу озодиҳои шахс, бо истифода аз таҷрибаи байналмиллалӣ риоя карда мешавад», — қайд карданд дар Хадамоти муҳоҷирати ВКД — и ҶТ.