КОРХОНАИ «ГУЛПАРВАР»-РО КИ ОТАШ ЗАД?

                Душанбе, 29 октябр. (АМИТ «Ховар», Жасмин Назарова). – Рӯзи 26 октябр дар ноҳияи Шоҳмансури пойтахт дар анбори корхонаи таҷрибавии илмӣ — истеҳсолии «Гулпарвар», ки ба Мақомоти иҷроияи маҳаллии ҳокимияти давлатии шаҳри Душанбе тааллуқ дорад дар масоҳати 45 метри мураббаъ сӯхтор ба амал омад.                  Тавре ба АМИТ «Ховар» корманди дафтари матбуоти Сарраёсати хадамоти давлатии оташнишонии (ХДО) ВКД ҶТ майор Кароматулло Абдуллоев иттилоъ дод, дар натиҷаи гузаронидани амалиёти фаврии тактикӣ — оташнишонӣ паҳншавии сӯхтор пешгирӣ карда, он хомӯш карда шуд. Сабабҳои сӯхтор муайян карда мешаванд.