ПАХТАКОРОНИ ВИЛОЯТИ ХАТЛОН ПЕШСАФАНД

                Душанбе, 5 октябр. (АМИТ «Ховар», Лаззат Диловарзод).- Бино ба иттилои Раёсати растанипарварии Вазорати кишоварзӣ, пахтакорони хоҷагиҳои деҳқонии вилояти Хатлон ҳар рӯз ба андозаи 3 ҳазору 700 – 3 ҳазору 800 тонна пахтаи навъи маҳиннах ҷамъоварӣ менамоянд. Дар ҷумҳурӣ аз аввали мавсим то имрӯз беш аз 62 ҳазор тонна пахта ҷамъоварӣ гардидааст.               Ноҳияҳои Бохтар, Восеъ ва Қубодиён нисбатан дар вилоят пешсаф буда, мутаносибан 6, 6122 ва 5960 тонна пахта ҷамъоварӣ намуданд.                Дар вилояти Суғд аз аввали мавсим 10 ҳазор тонна ва дар ноҳияҳои тобеи ҷумҳурӣ ҳамагӣ 139 тонна пахта ҷамъоварӣ шудааст.