СОХТМОНИ ҚАСРИ ФАРҲАНГ ДАР МӮЪМИНОБОД

                  Мӯъминобод, 28 октябр. (АМИТ «Ховар», Сулаймон Холов).- Дар ноҳияи Мӯъминобод сохтмони бинои қасри фарҳанг оғоз гардид. Сохтмони мазкур аз тарафи ҶДММ «Синдбодсохтмон» сохта шуда, айни ҳол 23 нафар сохтмончиён ба кори сохтмон шурӯъ намуданд. Туйчибой Каримов ҷонишини директори ҷамъият дар робита ба ин мавзӯъ гуфт, ки бинои қасри фарҳанг мувофиқи лоиҳа барои 420 ҷой сохта шуда, маблағи умумии он беш аз 6 милион сомониро дар бар мегирад. Айни ҳол, барои корҳои сохтмонӣ 560 000 сомонӣ ҷудо гардид, ки аз ин 482 800 сомониаш барои корҳои сохтмонӣ масраф гардидааст. Ба гуфтаи ин манбаъ, аксари сохтмончиён аз худи ноҳия буда бо хӯроки гарм таъмин мебошанд. Бояд гуфт, ки сохтмончиён ба кори таҳкурсии бино шурӯъ намуда, саркор Самариддин Раҷабов, сармуҳандис Аҳрор Мардонов ба сифати кори сохтмон аҳамияти ҷиддӣ медиҳанд, -гуфт Туйчибой Каримов.