ЗИЛЗИЛАИ ШАБОНА

                 Душанбе, 23 октябр. ( АМИТ«Ховар», Наталя Михайлова). — 23 октябр нисфи шаб, соати 00. 51 дақиқа дар ҳудуди мамлакат заминҷумбӣ ба қайд гирифта шуд. Мувофиқи ҷадвали МСК-64 қувваи заминҷумбӣ дар пойтахт 4-5 ва дар вилояти Хатлон 3-4 дараҷа буд.                 Тавре ба АМИТ «Ховар» аз Идораи маркази зилзиласанҷии Душанбе иттилоъ доданд, маркази заминҷумбӣ дар ҳудуди Афғонистон 290 км ҷанубу шарқии Душанбе дар умқи 190 км. ба қайд гирифта шуд. Дар маркази заминҷумӣ қувваи он аз рӯи ҷадвали МСК-64 6 дараҷаро ташкил кард.                   Заминҷумбӣ дар пойтахти Афғонистон шаҳри Кобул ва пойтахти Покистон шаҳри Исломобод низ эҳсос карда шуд.