МУҲОКИМАИ МАСЪАЛАИ СОХТМОНИ НЕРӮГОҲҲОИ БАРҚӢ

                  Душанбе, 19 ноябр. (АМИТ «Ховар», Наргис Бояхмедова). – 18 ноябр таҳти раёсати Сарвазири мамлакат Оқил Оқилов машварати кории Ҳукумати ҷумҳурӣ баргузор гардид. Дар он масъалаи иҷрои тадбирҳои пешбинишуда барои таъмини истиқлолияти энергетикии ҷумҳурӣ муҳокима шуданд.                   Дар машварат таъкид карда шуд, ки суръати сохтмони нерӯгоҳҳои хурду бузурги барқи обиро тезонида, инчунин фаъолияти нерӯгоҳҳои мавҷудаи барқи обӣ, аз ҷумла, нерӯгоҳҳои барқи обии Норак, Қайроққум, Варзоб ва Бойғозиро беҳтар кардан зарур аст.                    Оқил Оқилов ба вазорату идораҳои дахлдор супориш дод, ки барои ҳалли масъалаҳои сохтмони нерӯгоҳҳои барқӣ бо созмонҳои байналхалқии молиявӣ ва сарпарастони хориҷӣ беҳтару хубтар ва самараноктар ҳамкорӣ кунанд.