ЯРМАРКАИ ҶОЙҲОИ КОРИИ ХОЛӢ

                  Суғд, 24 декабр. (АМИТ «Ховар» Мирзалӣ Амонов, Самад Юсуфӣ).- 23 декабр дар Қасри ҷавонони шаҳри Хуҷанд бо ташаббуси Раёсати агентии давлатии ҳифзи иҷтимоии шуғли аҳолӣ ва муҳоҷират ярмаркаи ҷойҳои холии корӣ баргузор гардид.                   Дар ярмарка корхонаю муассисаҳо аз шаҳрҳои Хуҷанд, Чкалов, Қайроққум ва ноҳияи Б.Ғафуров 1900 ҷои корӣ пешниҳод карданд, ки музди маош аз 100 то 850 сомонӣ мебошад.                   Дар ярмарка 32 нафар бо ҷои кор таъмин ва 60 нафар барои касбомӯзӣ ба омӯзишгоҳҳо шомил гардиданд.                  Инчунин дар ярмарка субъектҳои хоҷагидорӣ вакансияҳои худро барои кор дар шаҳрҳои Россия пешниҳод намуданд ва 170 нафар тавсиянома гирифтанд.