ФУРӮШИ МОЛ БА АҲОЛӢ ДАР СОЛИ 2009

                       Душанбе, (АМИТ «Ховар», Лаззат Диловарзод).- Тибқи иттилои дафтари матбуотии Палатаи савдо ва саноат, дар моҳҳои январ – ноябри соли 2009 ташкилотҳои савдои ҳамаи шаклҳои моликият ва ашхоси воқеӣ ба аҳолии ҷумҳурӣ ба маблағи 4886,1 млн. сомонӣ мол фурӯхтаанд.                      Бино ба иттилои ҳамин манбаъ, гардиши мол дар савдои чаканаи корхонаҳои расмӣ ба қайд гирифташуда 359,6 млн. сомонро ташкил додааст.                       Корхонаҳои кооператсияи матлубот ба маблағи 97,3 млн. сомони мол фурӯхтанд.                       Гардиши мол дар савдои чаканаи ҳамаи соҳаи савдо бо нархҳои муқоисавӣ нисбат ба моҳҳои январ – ноябри соли 2008 9,8 фоиз афзудааст.                       Ҳаҷми умумии гардиши мол дар савдои чаканаи ҳамаи соҳаҳои савдо, аз ҷумла, дар сектори давлатӣ 117,6 фоиз, сектори ғайридавлатӣ 109,7, «Тоҷикматлубот» — 163,7, бозорҳо ва дигар сохторҳои тиҷоратӣ 109,6 фоизро ташкил кардааст.