ИТТИҲОДИ ИҚТИСОДИИ ЕВРАЗИЯ БА МАМЛАКАТҲОИ КАМБИЗОАТ ҚАРЗ МЕДИҲАД
Маскав, 23 январ. (АМИТ «Ховар» — финмаркет.ру). — Шӯрои фонди зиддибӯҳронии Иттиҳоди иқтисодии Евразия тартиби додани қарзро ба мамлакатҳои камбағал ва қафомонда тасдиқ намуд. Дар ин бора муовини Сарвазир ва вазири молияи Русия Алексей Кудрин хабар дод. Ба қавли ӯ, чунин мамлакатҳо метавонанд аз Фонди зиддибӯҳронии Иттиҳоди иқтисодии Евразия қарзи дарозмуддат гиранд. Қарзҳои мазкур барои 20 сол дода, аз онҳо дар давоми сол аз 1 то 3 фоиз фоида гирифта мешавад. Маблағи қарз вобаста ба ҳаҷми Маҳсулоти умумии дохилии мамлакатҳо муқаррар карда мешавад. А.Кудрин афзуд, ки Русия ва Қазоқистон имсол аз фонди мазкур қарз намегиранд. Вай қайд кард, ки Арманистон, Қирғизистон ва Тоҷикистон барои гирифтани қарз аз фонди мазкур ариза додаанд. Мамлакатҳои дигар алҳол дар бораи гирифтани қарз хабар надодаанд. Фонди зиддибӯҳронии Иттиҳоди иқтисодии Евразия моҳи июни соли 2009 бо қарори сарони ҳукуматҳои Белорусия, Қазоқистон, Қирғизистон, Русия, Тоҷикистон ва Арманистон таъсис ёфта буд. Маблағи дороии он 10 миллиард долларро ташкил медиҳад.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
