САҲМИ ДОНИШГОҲИ ДАВЛАТИИ ХУҶАНД БА НОМИ АКАДЕМИК Б.ҒАФУРОВ

                 Хуҷанд, 11 январ. (АМИТ «Ховар», Самад Юсуфӣ, Мирзалӣ Амонов).- Аҳли Донишгоҳи давлатии Хуҷанд ба номи академик Б.Ғафуров субҳи 8-январ ба таври оммавӣ ба яке аз фурӯшгоҳҳои асосӣ дар шаҳри Хуҷанд – Кохи Рӯдакӣ раҳсипор шуда, ба маблаги 750 ҳазор сомонӣ саҳмияҳоро харидорӣ намуданд.                    Иддае аз устодону донишчуёни донишгоҳро зикр кардан ҷоиз аст, ки ба маблағи калон саҳмияҳо харидорӣ намуданд – Малоҳат Ҷумаева – декани факултаи табиатшиносӣ ба маблағи 11800 сомонӣ, Ҳайдаров Муҳсин – донишчӯи соли чоруми факултаи кибернетика ба маблағи 1500 сомонӣ, Юлдошев Равшан – донишчӯи соли панчуми факултаи Кибернетика 5100 сомонӣ, Боқизодаев Наримон – донишчӯи соли аввали факултаи физика-техника 4800 сомонӣ саҳмия харидорӣ намуданд. Аҳли донишгоҳ азми қавӣ доранд, ки то рӯзи 11 январ дар мачмӯъ 1 миллион сомонӣ саҳмия харидорӣ менамоянд.