ҶАРАЁНИ ИНТИХОБОТ ДАР ҚӮРҒОНТЕППА

             Қӯрғонтеппа, 28 феврал. (АМИТ «Ховар», Марзия Саидова). — Раиси Комиссияи ҳавзавии интихоботии №26 шаҳри Қӯрғонтеппа Таваккал Наҷибуллоев ба АМИТ «Ховар» хабар дод, ки овоздиҳӣ дар маркази вилоят субҳи барвақт оғоз ёфт ва то соати 12.00 53 фоизи интихобкунандагон дар 51 қитъаи интихоботӣ овоз доданд. Дар ҳавзаи интихоботии №26 78 ҳазору 900 интихобкунанда, аз ҷумла 20 ҳазор нафар аз шаҳри Сарбанд, 26 ҳазор нафар аз ноҳияи Бохтар ва 32 ҳазор нафар аз шаҳри Қӯрғонтеппа ба қайд гирифта шудаанд.            Дар ҳавзаи мазкур се номзади вакили Маҷлиси намояндагони Маҷлиси олии мамлакат пешбарӣ карда шудаанд. Онҳо намояндагони Ҳизби халқии демократӣ Саодат Амиршоева, собиқ вакили палатаи поёнӣ Саидамир Гулов ва намояндаи Ҳизби наҳзати исломӣ Қиёмиддин Авазов мебошанд.