14 МЛН. ТОННА БОР ТАВАССУТИ РОҲИ ОҲАН

Душанбе, 2 феврал. (АМИТ «Ховар», Лаззат Диловарзод).- Соли 2009 гардиши мол тавассути нақлиёти роҳи оҳани Тоҷикистон 1282 млн. тонна километрро ташкил додаст, ки нисбат ба соли 2008 0,5 млн. тонна километр зиёд аст. Дар давоми моҳҳои январ – декабри соли 2009 ҳаҷми боркашонии нақлиёти роҳи оҳан нисбат ба ҳамин давраи соли 2008 2,4 ҳазор тонна зиёд шуда ба 14 млн. 547 ҳазор тонна расонида шудааст. Содироти маҳсулоти хоҷагии кишоварзӣ тавассути роҳи оҳан дар соли 2009 беш аз 810 ҳазор тонна ва воридот 4 млн. 455 ҳазор тоннаро ташкил дод. Дар соли 2009 ба 716,2 ҳазор нафар мусофирон хизмат расонида шудааст, ки ин нисбат ба соли 2008 116,8 ҳазор нафар мусофирон камтар аст.