ДАР НОҲИЯИ ШӮРООБОД ҶОЙҲОИ НАВИ КОРӢ ТАЪСИС МЕШАВАД.

Шӯрообод, 2 феврал. (АМИТ «Ховар», Сулаймон Холов). — «Бо  мақсади  фароҳам  овардани  ҷойҳои  нави  корӣ ва паст  намудани  сатҳи  камбизоатии  мардум   дар давоми соли гузашта дар ноҳияи Шӯрообод  16  ярмаркаи  ҷойҳои  нави  корӣ   гузаронида  шуда,  156  нафар  бекорон, аз ҷумла 32 нафар  занон  ба  ҷойҳои  нави  корӣ  таъмин  гардиданд», —  гуфт  зимни  нишасти  матбуотӣ    раиси  ноҳия  Иброҳим  Азизов. Қайд карда шуд, ки 240  нафар  шаҳрвандони  бешуғли   ҷамоатҳои  деҳоти  Шӯрообод,  Доғистон  ва Ёл  ба  корҳои  муздноки  ҷамъиятӣ  ҷалб  шуданд, ки   128  нафарашон  занону  духтарон  мебошанд. Таъсиси  ҷойҳои  нави  корӣ  дар  ноҳия  аз  ҳисоби  ташкили  хоҷагиҳои  деҳқонӣ  ва  ҷалби  шаҳрвандон  ба корҳои  мавсимӣ муяассар шудааст. Дар   маркази  иҷтимоии  соҳибкории  ноҳия  60  нафар  шаҳрвандани  курсҳои  омӯзишии «Кафшергари  газию  барқӣ»  ва  «Фермер-боғпарвар»  — ро бомуваффақият  хатм  намуда,  20  нафар  занону  духтарони  ҷамоати  деҳоти  Чагам  омӯзиши  курси  «Дузандагӣ»-ро айни  ҳол  давом  дода  истодаанд.