ПУШАЙМОНӢ АЗ АМАЛИЁТИ БОНКӢ

Душанбе, 3 феврал. (АМИТ «Ховар», Лаззат Диловарзод).-  Амалиёти бонкиро баръакс ҳам гузаронидан мумкин, аммо дер ё зуд ошкор мегардад ва оқибати нохушро ба бор меорад. Сардори мудирияти амалиёти бонкӣ ва хизматрасонии рақами   6 – и ҶСК «Агроинвестбонк» — и шаҳри Душанбе Саидраҳмон Саидов бо сӯистифода аз ваколати хизматӣ, дар давоми  солҳои 2007 – 2008 аз хазинаи бонки мазкур маблағи 267 ҳазору 835 доллари амрикоиро  бо роҳи азхудкунӣ тасарруф намуда, харҷи рӯзгордорӣ кардааст. Раёсати тафтишоти Агентии назорати давлатии молиявӣ ва мубориза бо коррупсияи ҶТ  нисбати амалиёти  бонкии бебарори      С. Саидов парвандаи ҷиноӣ оғоз намуда, тафтишот мебарад. Дар сурати исбот бо далелҳои шаръӣ С. Саидов аз 8 то 12 сол бо мусодираи амвол паси панҷара хоҳад шуд.